Танымдық іс-шара «Шоқан Уәлиханов – туғанына 190 жыл»

2025 жылғы 5 қараша күні «Жәлел Қизатов атындағы жоғары ауыл шаруашылығы колледжі» КМҚК кітапханасында ұлы ғалым Шоқан Уәлихановтың туғанына 190 жыл толуына арналған танымдық іс-шара өткізілді. Білім алушыларға Шоқан Уәлихановтың өмірі мен ғылыми мұрасы туралы деректі фильм көрсетіліп, кейін Wordwall платформасы негізінде онлайн-викториналар орындалды, соның нәтижесінде негізгі тарихи және ғылыми деректер жүйеленді. Оқытудың «пирамида» әдісі арқылы карточкалармен кезең-кезеңмен жұмыс ұйымдастырылып, студенттер жеке деректерді талдап, жұптық және топтық талқылау барысында өз ой-пікірлерін ұсынды. Іс-шара мазмұны жағынан да, форматы жағынан да тиімді өтіп, білім алушылардың танымдық белсенділігін арттырып, Шоқан Уәлиханов тұлғасына деген құрмет сезімін нығайтты.